الحيرة.. شعور مزعج لكنه طبيعي!

خلني أقول لك شي الحيرة جزء طبيعي من الحياة، كلنا مرينا فيها، ويمكن نمر فيها أكثر من مرة. أحيانًا تحس إنك تدور في نفس المكان وتطرا علينا بعض التساؤلات. هل أنا في الطريق الصح؟ هل قراراتي مناسبة؟ وين أبغى أوصل أصلًا؟. الحيرة هذي، يا صديقي، مو دليل إنك فاشل أو ما تعرف إيش تسوي. بالعكس! الحيرة دليل إنك قاعد تفكر، إنك تبغى شي يناسبك ويليق بطموحك. خليني أساعدك نخلي هاللحظة نقطة قوة بدال ما تكون عائق.

ليش نحس بالحيرة؟

1. كثرة الخيارات:

إحنا عايشين في زمن الفرص، تقدر تشتغل في أي مكان، تبدأ مشروعك، تتعلم أي مهارة.. بس لما كل شي يكون قدامك، الخيارات الكثيرة تصير مثل عبء ثقيل.

2. الخوف من الفشل:

أحيانًا الحيرة تجي لأنك خايف تختار الطريق الغلط وتخسر وقتك أو مواردك. ترددك سببه هالخوف.

3. ضغط المجتمع:

سواء من الأهل أو الأصدقاء أو حتى السوشال ميديا، ممكن تحس إنك مجبور تمشي في طريق معين عشان يرضي توقعاتهم.

4. غياب الوضوح الداخلي:

إذا ما تاخذ وقت مع نفسك تسألها ( إيش أبغى؟ )، بيصير أي خيار قدامك تحس أنه ضبابي ومربك.

طيب، كيف تخرج من هالحالة؟

1. اسأل نفسك الأسئلة الصح:

خذ لحظة مع نفسك، بعيد عن أي مشتتات، واسأل نفسك:

▪️إيش الأشياء اللي تخليني مبسوط إذا سويتها؟

▪️إيش المهارات اللي أتميز فيها وأشوف إنها تضيف قيمة؟

▪️إيش الشي اللي أقدر أسويه حتى لو ما أحد دفع لي؟

الإجابات هذي بتبدأ توضح لك الصورة وتعرفك على نفسك.

2. لا تحاول ( تحل ) الحيرة بسرعة:

تذكر إن الحيرة ماهو شي لازم تتخلص منه فورًا. بالعكس، الحيرة ما تدل على توقفك، بل هي دعوة للتجربة!.
بدل ما تشوف الحيرة كعبء، حاول تشوفها كفرصة أنك تستكشف وتجرب أشياء جديدة. يمكن يكون الحل لحيرتك بسيط جدًا: جرب، وخل التجربة تكشف لك وش يناسبك ووش تحبه.

3. جرب بدون التزام كامل:

▪️ما تدري إذا المجال اللي تفكر فيه يناسبك؟ ابدأ بخطوة صغيرة.

▪️تفكر في تعلم مهارة جديدة؟ خذ دورة قصيرة أو تابع فيديوهات تعليمية.

▪️تحس إنك تبغى تبدأ مشروع؟ اشتغل على فكرة بسيطة كبداية.

التجربة تفتح لك أبواب ما كنت تعرفها عن نفسك. أحيانًا الشي اللي تحبه وتبرع فيه ما يبان إلا لما تدخل فيه بنفسك. كثير من الناس اكتشفوا شغفهم بمجرد إنهم جربوا شي جديد.

ليش التجربة مهمة؟

▪️تساعدك على كسر الخوف:
الحيرة غالبًا تجي مع خوف من اتخاذ قرار. لما تجرب شي جديد، تبدأ تكسر هذا الخوف تدريجيًا.

▪️تكتشف ذاتك:
التجربة تعلمك أشياء عن نفسك ما كنت تعرفها. يمكن تكتشف إن عندك مهارة جديدة أو اهتمام خفي.

▪️تقلل الندم:
إذا ما جربت، يمكن تعيش طول عمرك تتساءل "وش لو؟". لكن لما تجرب، حتى لو ما كان الخيار مثالي، بتكون عرفت وفهمت أكثر.

▪️تولد وضوح في التفكير:
لما تجرب وتخوض تجارب مختلفة، تبدأ تحدد الأشياء اللي تحبها وتلك اللي ما تناسبك. وهذا يساعدك على بناء مسار واضح ومناسب.

الحيرة تجدد رسمك للطريق للانطلاق

بدل ما تشوف الحيرة كحاجز يعطلك، شوفها كإشارة: جرب شي جديد، تعلم مهارة، استكشف طريق مختلف. في النهاية، ما تكتشف ما تحب وتريد إلا لما تخوض التجربة بنفسك. تذكر: التجربة هي المفتاح لكسر الحيرة والوصول للشغف.

4. قسم أهدافك:

حسيت يوم إن أحلامك كبيرة لدرجة تخوفك تبدأ؟ قسمها!

▪️أهداف قصيرة الأمد: شي بسيط تقدر تسويه خلال أسبوعين أو شهر.

▪️أهداف طويلة الأمد: هذي تحتاج وقت، وممكن ما تحققها إلا بعد سنوات، لكن وجودها يعطيك رؤية للمستقبل.

5. خلك مرن:

أحيانًا تبدأ في طريق وتحس إنه مو مناسب لك. عادي جدًا تغير المسار! مو شرط تكون قراراتك الأولى هي النهائية. الحياة رحلة، وأي تجربة تخوضها تضيف لك، حتى لو ما وصلت للمكان اللي توقعت.

6. استشر ناس تثق فيهم:

أحيانًا تحتاج شخص من خارج دايرتك يفكر معك. مرشد، صديق مقرب، أو حتى شخص متخصص في مجالك. صوت ثاني ممكن يعطيك منظور مختلف ويشوف أشياء ما كنت تشوفها بنفسك.

أمثلة واقعية تلهمك

قصة ستيف جوبز:

في بداية حياته، جرب أكثر من مجال، حتى إنه أخذ دورة في تصميم الخطوط الطباعية! الشي اللي ما كان له علاقة مباشرة بتخصصه، لكنه لاحقًا كان سبب أضاف جماليات مميزة لأجهزة أبل.

قصة أوبرا وينفري:

أوبرا مرت بتجارب كثيرة قبل ما تستقر على شغفها. بدأت حياتها المهنية في مجالات ما كانت تناسبها، لكنها استمرت تجرب وتتعلم حتى لقت الطريق اللي يناسبها وصنعت منه نجاحها الكبير.

نصيحتي الأخيرة:

الحيرة ما تعني إنك ضايع، الحيرة تعني إنك تفكر بعمق.

خذ وقتك، لا تستعجل، وجرب. الحياة مو سباق، وكل خطوة صغيرة تسويها تقربك أكثر من أهدافك. أهم شي، لا تخاف تبدأ.

تذكر: الخطوة الأولى هي أصعب خطوة.. لكنها الأهم!