لماذا طريقة اتخاذ القرار أهم من نتيجته. كثير من الناس يعتقدون إن نجاح القرارات يعتمد على صحتها: هل اخترت الخيار المثالي؟ هل القرار صحيح 100٪؟ هل النتيجة بتكون مضمونة؟

لكن على أرض الواقع ما في قرار صحيح بشكل مطلق. في قرار واضح يدلك لاتجاه واضح. وفي قرار غامض يودّيك إلى ضباب أكبر حتى لو كان شكله صحيح.

الكاتب دانيال كانيمان (الحاصل على نوبل) يقول:
نحن لا نختار الخيار الأفضل بل الخيار الأكثر وضوحًا في عقولنا.

وهنا تبدأ الفكرة: الوضوح أهم من الصحة. الوضوح يخليك تقود قرارك وليس القرار يقودك.

الوضوح في القرار يعني فهم السبب قبل الاختيار

أغلب القرارات تُتخذ كردة فعل، وليست كاستجابة واعية. قبل ما نقول إيه أو لا، نسأل أنفسنا سؤال واحد: ليش؟

سيمون سينك في كتابه الشهير أبدأ بلماذا قال:
لا يتخذ الناس قراراتهم بناءً على المنطق، بل بناءً على المعنى.

القرار الواضح يبدأ من نية واضحة. ما هو القرار اللي شكله صح هو القرار اللي يدفعك في اتجاه يخدمك. لأن القرار اللي ما تعرف سببه حتى لو نجح، ما تتعلم منه شيء.

القرار الواضح يحميك من التردد بعد الاختيار

واحدة من أكثر المشاعر استنزافًا في حياتنا هي: التفكير بعد القرار. (يا ليتني سويت…)، (أيش لو اخترت…؟) هذا الشيء في علم النفس يسمّى: القلق بعد اتخاذ القرار وهو نتيجة غياب وضوح ليس غياب صحة القرار.

القرار الواضح يعني:
– أنا فاهم ليه اخترت.
– فاهم وش يخدم هذا القرار.
– فاهم ليه تجاهلت الخيارات الثانية.

ومع الوضوح. توقّف الأسئلة اللي تلاحقك. القرار الصحيح ممكن يشكّكك أما القرار الواضح، يعطيك يقين بالاتجاه حتى لو كانت الطريق طويلة.

3 عناصر لقرار واضح؟

أولًا: وضوح النية

– ليه أبغى أسوي هذا؟
– أيش النتيجة اللي أبحث عنها؟
– هل القرار يخدم قيمتي أو هدفي أو المرحلة اللي أنا فيها؟

النية هنا ما هي الرغبة، النية اتجاه.

ثانيًا: وضوح المعلومات

ما هو لازم تعرف كل شيء. لكن لازم تعرف:
– أيش أحتاج الآن؟
– أيش اللي ما هو مهم؟
– أيش اللي ما يتغير حتى لو تغير القرار نفسه؟

تشيب ودان هيث في كتاب Decisive يقولون:
اتخاذ القرار الجيد يبدأ بتوسيع زاوية النظر.

ثالثًا: وضوح الطريق بعد القرار

القرار اللي ما يرتبط بخطوة أولى هو مجرد فكرة. اسأل نفسك:
– أيش أول خطوة؟
– أيش أسهل شيء أسويه الآن؟
– أيش اللي أقدر ألغيه عشان أخدم هذا القرار؟

الوضوح يصنع حركة والحركة تصنع وضوحًا إضافيًا.

القرار الواضح ما يحميك من الأخطاء

كثير ناس يخافون من القرار لأنهم خايفين من الخطأ، لكن الحقيقة؟ الخطأ ما هو خطر. الخطر هو أنك ما تعرف ليه وصلت للخطأ. القرار الواضح يعطيك:
– أسباب واضحة
– اتجاه واضح
– مؤشر واضح لو أنك في الطريق الصح أو لا
– أسباب واضحة للتعديل إذا احتجت تغيير الاتجاه

وهذا اللي يسمّيه جيمس كلير:
التغذية الراجعة حلقة من الوضوح.

ما هو خطأ إنك تغيّر قرارك الخطأ إنك ما تعرف ليه اتخذته من البداية.

كنت أمام قرار كبير مشروع ضخم، فرصة ممتازة، وإغراء كبير. لكن كنت متردد.
شي يقول لي فرصة عمر، وشي ثاني يقول ما هو وقتها. جلست مع نفسي وسألت:
– ليه أبغى هذا المشروع؟
– هل يخدم مرحلتي الآن؟
– هل يضيف وضوح؟ ولا يخلق تشتت؟

وبكل صدق اكتشفت إنه ما هو قرار سيء، لكن قرار غير واضح. رفضته. وبعد فترة، فهمت ليه كان هذا القرار من أصح القرارات اللي سويتها.
ما هو لأنه كان غلط… لكن لأنه كان بيأخذني لطريق ما كان وقته أني أدخل فيه.

وقتها فهمت:
القرار الواضح أهم من القرار الصحيح.

القرارات جزء من حياتنا اليومية:وظيفة، مشروع، علاقة، دراسة، خطوة جديدة… لكن الشيء اللي يحدد جودة حياتك ما هو صحة القرار، لكن كفاءة ووضوح طريقة اتخاذه.